حکومت کا پی ٹی آئی ڈیجیٹل میڈیا کیخلاف جے آئی ٹی تشکیل دینے کا فیصلہ

وزارت داخلہ نے تصدیق کی ہے کہ ریاست مخالف پروپیگنڈے کے الزام پر اسلام آباد پولیس نے تحریک انصاف کے مرکزی سیکریٹریٹ پر چھاپہ مارا ہے۔

تفصیلات کے مطابق وزارت داخلہ نے تحریک انصاف کے ترجمان رؤف حسن اور کوآرڈینیٹر احمد وقاص جنجوعہ کی گرفتاری کی تصدیق کردی۔

ترجمان وزارت داخلہ کا کہنا ہے ابتدائی تفتیش اور ڈیجیٹل مواد کی روشنی میں پی ٹی آئی کے ڈیجیٹل میڈیا وِنگ پر اسلام آباد پولیس اور ایف آئی اے کی ٹیم کا چھاپہ مارا ہے۔ 

اسلام آباد پولیس نے پی ٹی آئی کوآرڈینیٹر احمد وقاص جنجوعہ کو گرفتار کرلیا جبکہ چھاپے کے دوران روٴف حسن گرفتارکیا گیا ہے۔ 

وزارت داخلہ سے جاری تفصیلات میں کہا گیا ہے کہ پی ٹی آئی ریاست مخالف پروپیگنڈے میں ملوث ہے، اس معاملے کی تحقیق کیلئے جے آئی ٹی تشکیل دی جارہی ہے۔