جیل میں بارش کے دوران بشری بی بی کو کرنٹ لگنے کا انکشاف

سلمان اکرم راجہ نے انکشاف کیا ہے کہ بارشوں کے دوران چھت ٹپکنے کی وجہ سے بشریٰ بی بی کو کرنٹ لگا۔

اڈیالہ جیل کے باہر میڈیا سے گفتگو کرتے ہوئے سلمان اکرم راجہ نے کہا کہ بارشوں کے دوران بیرک کی چھت ٹپکنے کیوجہ سے بشریٰ بی بی کے سیل میں کرنٹ پھیل گیا تھا۔

انہوں نے کہا کہ بارشوں کے دوران بشریٰ بی بی کو کرنٹ بھی لگا تاہم کوئی خطرے کی بات نہیں ہے۔

اس سے قبل چیئرمین پی ٹی آئی بیرسٹر گوہر نے بھی یہی انکشاف کیا اور بتایا تھا کہ بیرک کی چھت ٹپکنے کیوجہ سے بشریٰ بی بی کو پریشانی کا سامنا ہے۔