کراچی: دن کے اوقات میں ہیوی ٹریفک پر مکمل پابندی عائد

کمشنر کراچی سید حسن نقوی نے دن کے اوقات میں شہر میں ہیوی ٹریفک کے داخلے پر دفعہ 144 نافذ کردی ہے۔

تفصیلات کے مطابق کمشنر کراچی کی جانب سے جاری نوٹیفکیشن میں کہا گیا ہے کہ کراچی ڈویژن میں پابندی 2 ماہ کے لیے عائد کی گئی ہے جس کا اطلاق 17 اپریل سے 16 جون تک ہوگا۔ پابندی کا اطلاق تعمیراتی مال بردار ڈمپرز  پر بھی ہوگا۔

نوٹیفکیشن میں کہا گیا ہے کہ ٹریفک کو صبح 6 سے رات 10 بجے تک  شہر میں داخلیکی اجازت  نہیں ہوگی۔

ہیوی ٹریفک کے داخلے پرپابندی ڈی آئی جی ٹریفک کی سفارش پر لگائی گئی ہے۔

نوٹیفکیشن کے مطابق ہیوی  ٹریفک کو سپر ہائی وے سے نیو کراچی انڈسٹریل ایریا براستہ سلپ روڈ چلنے کی اجازت ہوگی۔ نیشنل ہائی وے سیگودام چورنگی براستہ منظرپیٹرول پمپ، یونس چورنگی اور  داد چورنگی سے جام صادق چلنیکی اجازت ہوگی۔ ناردرن بائی پاس سے پراچہ چوک، اسٹیٹ ایونیو، سیمینز چورنگی سیگلبائی ماڑی پور  روڈ  پر ہیوی ٹریفک  کو آمدورفت کی اجازت ہوگی۔