کراچی میں آئندہ 3 روز صبح اور رات کو ہلکی بارش ہوگی

کراچی میں بدھ کو موسم جزوی طور پر مکمل ابر آلود رہا اور بعض علاقوں میں ہلکی بوندا باندی ہوئی۔

مون سون سسٹم اور سمندر سے آنے والے بادلوں کے باعث دن بھر دھوپ کم رہی جس سے موسم خوشگوار ہو گیا۔

محکمہ موسمیات کے مطابق، بدھ کو زیادہ سے زیادہ درجہ حرارت 32.5 ڈگری سینٹی گریڈ ریکارڈ کیا گیا جو کہ گزشتہ روز سے 3 ڈگری کم تھا۔ ہوا میں نمی کا تناسب 69 فیصد رہا۔

ارلی وارننگ سینٹر نے پیش گوئی کی ہے کہ اگلے 3 روز تک شہر میں صبح اور رات کے اوقات میں ہلکی بارش یا بوندا باندی کا امکان برقرار رہے گا۔

پیشگوئی کے مطابق دیہی سندھ کے اضلاع جامشورو، ٹھٹھہ، سجاول، بدین، اور تھرپارکر میں بھی ہلکی بارش متوقع ہے۔