عاشور سے محبت کرنے والی قوم کو کھوکھلی دھمکیوں سے ڈرایا نہیں جاسکتا، علی لاریجانی

تہران: ایران کی نیشنل سکیورٹی کونسل کے سیکرٹری جنرل علی لاریجانی نے امریکی صدر کی دھمکیوں کا جواب دیتے ہوئے کہا ہے کہ عاشور سے محبت کرنے والی قوم کو کھوکھلی دھمکیوں سے ڈرایا نہیں جاسکتا۔

علی لاریجانی نے ٹرمپ کے بیان پر ردعمل دیتے ہوئے کہا کہ پہلے بھی کئی لوگوں نے ایسے دعوے کیے لیکن ناکام رہے، اپنا خیال رکھو کہیں ایسا نہ ہو کہ مٹادیے جا۔

ایران کی نیشنل سکیورٹی کونسل کے سیکرٹری جنرل علی لاریجانی نے سوشل میڈیا پر بیان جاری کرتے ہوئے کہا کہ  آبنائے ہرمز یا تو سب کے لیے خوشحالی کی گزرگاہ ہوگی یا جنگ پسندوں کے لیے شکست اور تکالیف کی گزرگاہ بن جائے گی۔

واضح رہے کہ امریکی صدر نے ایران کو دھمکی دیتے ہوئے کہا تھا کہ اگر ایران نے آبنائے ہرمز کو بند رکھا تو اس پر موت، آگ اور قہر برسے گا،بیس گنا زیادہ سختی سے نمٹا جائے گا۔