کراچی ایئرپورٹ پر فلائٹ آپریشن فوری طور پر بحال

کراچی کے جناح انٹرنیشنل ایئرپورٹ پر فلائٹ آپریشن فوری طور پر بحال کردیا گیا ہے۔

پاکستان ائیرپورٹس اتھارٹی کے مطابق ملک کے دیگر تمام بڑے ائیرپورٹس بدستور فلائٹ آپریشن کے لئے دستیاب ہیں۔ 

اعلامیے میں کہا گیا ہے کہ مسافر حضرات سے درخواست ہے کہ اپنی پروازوں سے متعلق معلومات کے لئے ائرلائن سے رابطے میں رہیں۔ 

واضح رہے کہ پاکستان نے بھارتی جارحیت اور ممکنہ حملوں کے پیش نظر کراچی ایئرپورٹ پر شام کے وقت فلائٹ آپریشن معطل کردیا تھا۔