خشک سالی اور بڑھتے ہوئے طبی مسائل پر شہریوں سے نماز استسقا ادا کرنے کی اپیل

وزارت مذہبی امور نے وزیراعظم انوار الحق کاکڑ کی ہدایت پر ملک بھر میں جمعے کو نماز استسقا ادا کرنے کی اپیل کردی۔

وزارت مذہبی امور کی جانب سے جاری ہونے والے اعلامیے میں کہا گیا ہے کہ تمام وفاقی اور صوبائی حکومتیں نماز استسقا کا اہتمام کریں۔

اعلامیے میں کہا گیا ہے کہ حالیہ خشک سالی سے ملک بھر میں صحت اور اسموگ کے مسائل پیدا ہو رہے ہیں، مساجد کے پیش امام اور عوام مسنون صلوۃ الاستسقاء کا لازمی اہتمام کریں۔

مذہبی امور کے ترجمان نے کہا کہ نماز استسقا میں اللہ رب العزت سے خصوصی رحمت مغفرت طلب کرتے ہوئے باران رحمت کی دعا کریں۔