خواجہ آصف نے ڈالا کلچر کیخلاف آواز اٹھا دی، پابندی کا مطالبہ

قومی اسمبلی کے اجلاس کے دوران وفاقی وزیر دفاع خواجہ آصف نے سیکیورٹی کے نام پر استعمال ہونے والے ویگو ڈالوں پر کڑی تنقید کرتے ہوئے انہیں سڑکوں اور پارلیمنٹ لاجز میں بند کرنے کا مطالبہ کر دیا۔

 انہوں نے ویگو ڈالے کو بیہودگی (vulgarity) قرار دیتے ہوئے کہا کہ جو بھی اس پر بیٹھتا ہے اسے کچھ ہو جاتا ہے، اس لیے ان گاڑیوں پر پابندی عائد کی جائے۔

خواجہ آصف کا کہنا تھا کہ جب اسمبلی ارکان کو کوئی خطرہ نہیں تو وزراء کو کیا خطرہ ہے جو وہ ویگو ڈالے لے کر چلتے ہیں، انہوں نے تجویز دی کہ شام کے بعد کسی بھی سرکاری گاڑی پر جھنڈا نہیں ہونا چاہئے اور پارلیمنٹ لاجز کو ان ویگو ڈالوں سے بچایا جائے۔