خیبرپختونخوا کا 48 ارب روپے کا خسارہ بجٹ پیش

خیبرپختونخوا حکومت نے مالی سال 2026-27 کا 2 ہزار 122 ارب روپے کا بجٹ پیش کر دیا، جس میں 48 ارب روپے خسارے کا تخمینہ لگایا گیا ہے۔

وزیراعلیٰ خیبرپختونخوا محمد سہیل آفریدی نے بجٹ پیش کرتے ہوئے بتایا کہ ترقیاتی منصوبوں کے لیے 524 ارب روپے مختص کیے گئے ہیں جبکہ سرکاری ملازمین کی تنخواہوں اور پنشن میں 7 فیصد اضافے کی تجویز دی گئی ہے۔

بجٹ میں کم از کم ماہانہ اجرت 45 ہزار روپے کرنے، صحت کے شعبے کے لیے 334 ارب اور تعلیم کے لیے 468 ارب روپے رکھنے کی تجویز شامل ہے۔

وزیراعلیٰ کے مطابق امن و امان کے لیے 191 ارب روپے، ضم اضلاع کے لیے 29 ارب روپے جبکہ زراعت، توانائی اور دیگر شعبوں کے لیے بھی مختلف رقوم مختص کرنے کی تجاویز دی گئی ہیں۔