میٹرک بورڈ نے امتحانی نتائج میں غلطی کا اعتراف کرلیا، فیل طلبا کو رجوع کرنے کی ہدایت

میٹرک بورڈ کراچی نے امتحانی نتائج میں غلطی تسلیم کرتے ہوئے ناکام ہونے والے طلبا کو رجوع کرنے کی ہدایت کردی۔

تفصیلات کے مطابق میٹرک بورڈ کراچی کے ترجمان کی جانب سے جاری اعلامیے میں حکام نے امتحانی نتائج میں غلطی کو تسلیم کرتے ہوئے کہا ہے کہ ’میٹرک کے نتائج میں جن طلباء کو ایک ہندسے میں نمبر ملے ہیں وہ میٹرک بورڈ آفس سے رجوع کریں‘۔

ترجمان نے کہا کہ ایسے تمام امیدوار جو رابطہ کریں گے اُن کے نمبرز کی اسکروٹنی کی جائے گی۔ حکام نے اعتراف کیا کہ غلطی کمپیوٹر کی ایکسل فائلز میں غلط کوڈ لگانے سے ہوئی تھی۔