پی ٹی آئی کے مرکزی عہدیداران کا اعلان، پرویز الہیٰ اور شاہ محمود کو اہم عہدہ مل گیا

 پاکستان تحریک انصاف کے چیئرمین بیرسٹر گوہر نے چوہدری پرویز الہیٰ کو مرکزی صدر جبکہ شاہ محمود قریشی کو وائس چیئرمین مقرر کردیا۔

پی ٹی آئی کے چیئرمین نے عہدہ سنبھالتے ہی پہلے مرحلے میں پارٹی صدور کی تعیناتی کی منظوری دی اور تقرری کا باضابطہ نوٹی فکیشن جاری کردیا۔

نوٹی فکیشن کے مطابق چوہدری پرویز الہیٰ پی ٹی آئی کے مرکزی صدر جبکہ شاہ محمود قریشی وائس چیئرمین ہوں گے۔

اسی طرح فردوش شمیم نقوی، سینیٹر سیف اللہ ابڑو، قاسم سوری اور مشتاق احمد غنی کو مرکزی نائب صدر مقرر کیا گیا ہے۔