صدر کیلیے زرداری اور محمود اچکزئی کے کاغذات جمع، وزیراعظم کیلیے شہباز اور عمر ایوب کے منظور

اراکین قومی اسمبلی کی حلف برداری کے بعد اب وزارت عظمی کا انتخاب ہونے جارہا ہے جس کیلیے اتحادی جماعتوں کی طرف سے شہباز شریف جبکہ سنی اتحاد کونسل کی جانب سے عمر ایوب وزارت عظمی کے امیدوار ہیں۔

قومی اسمبلی میں وزارت عظمیٰ کے چناؤ کیلیے ہفتہ 3 مارچ کو ووٹنگ ہوگی، جس میں 336 میں سے 169 ووٹ لینے والا امیدوار اگلا وزیراعظم منتخب ہوگا۔

شہباز شریف کو 200 سے زائد ووٹ اور عمر ایوب خان کو 90 سے زائد ووٹ ملنے کی توقع ہے۔

اُدھر صدر مملکت کے انتخاب کیلئے آصف علی زرداری اور محمود خان اچکزئی کے کاغذات نامزدگی جمع ہوگئے۔

فاروق ایچ نائیک اور سلیم مانڈوی والا نے چیف جسٹس اسلام آباد ہائیکورٹ کی عدالت میں صدر مملکت کی نشست کیلئے آصف علی زرداری کے کاغذات نامزدگی جمع کراائے جس پر سینیٹ اور قومی اسمبلی کیلیے چیف جسٹس اسلام آباد ہائیکورٹ کو پرایزائیڈنگ افسر مقرر کیا گیا ہے۔

سنی اتحاد کونسل کی جانب سے لطیف کھوسہ، عمر ایوب خان اور دیگر رہنماؤں نے صدر کے لئے محمود خان اچکزئی کے کاغذات نامزدگی جمع کرادیے۔