شہباز شریف کا عالمی دن پر خواتین کو بااختیار بنانے کا وعدہ

پاکستان سمیت دنیا بھر میں خواتین کے عالمی دن کا انعقاد

دنیا بھر کی خواتین کو آج (8 مارچ) خواتین کے عالمی دن کے موقع پر سیاست، معاشرے اور معیشت میں ان کی شراکت پر اعزاز سے سے نوازا جا رہا ہے۔ اقوام متحدہ (یو این) کی طرف سے اس سال خواتین کے دن پر تھیم، "خواتین میں سرمایہ کاری: پیشرفت کو تیز کریں،" مقرر کیا گیا ہے جس کا مقصد خواتین کو معاشی طور پر بااختیار بنانے پر زور دینا ہے۔

 پاکستان میں خواتین کا عالمی دن ریلیوں، سیمیناروں، کانفرنسوں اور دیگر تقریبات کے ساتھ منایا جاتا ہے۔ ملک ہر سال عورت مارچ کا انعقاد ملک بھر میں کیا جاتا ہے جس میں تمام شعبہ ہائے زندگی سے تعلق۔رکھنے والی خواتین شرکت کرتی ہیں۔

 عورت مارچ کراچی چیپٹر نے چھ مطالبات کے ساتھ ایک طاقتور منشور جاری کیا۔ انہوں نے سندھ حکومت سے مطالبہ کیا کہ وہ گھر پر کام کرنے والے کارکنوں کے تحفظ اور انہیں سماجی تحفظ کے فوائد دینے کے قانون پر عمل درآمد کرے۔

 مارچ میں خواتین اور اقلیتوں کے خلاف تشدد کے خاتمے، زیادتی کا شکار ہونے والوں کے لیے محفوظ پناہ گاہیں، خواجہ سراؤں کے حقوق اور جمہوریت میں واپسی کا مطالبہ کیا گیا۔

 منشور میں بلوچستان میں انسانی حقوق کی خلاف ورزیوں بشمول جبری گمشدگیوں اور کارکنوں اور صحافیوں پر تشدد کی مذمت کی گئی۔ اس نے حکومت پر زور دیا کہ وہ انسانی حقوق کو برقرار رکھے۔

 خواتین کے عالمی دن کے موقع پر اپنے پیغام میں وزیر اعظم شہباز شریف نے خواتین کو معاشرے میں زیادہ کردار ادا کرنے کے مواقع فراہم کرکے انہیں بااختیار بنانے کا عہد کیا۔

 انہوں نے کہا کہ اس دن میں اپنے ملک کی با صلاحیت خواتین سے وعدہ کرتا ہوں کہ ہماری حکومت خواتین کے مساوی حقوق، ان کے تحفظ اور تعلیم اور ترقی کے مساوی مواقع کی فراہمی کے لیے اقدامات کرتی رہے گی۔

 وزیر اعظم شہباز نے انسانی تہذیب میں خواتین کے مثبت کردار کو تسلیم کیا اور "معاشرے میں ان کا مقام بلند کرنے" کا عزم کیا۔

 انہوں نے مزید کہا کہ اسلام خواتین کو زندگی کے تمام شعبوں میں ان کی عزت و تکریم کو کم کیے بغیر مثبت کردار ادا کرنے کی ترغیب دیتا ہے۔

 انہوں نے مزید کہا کہ موجودہ معاشرہ مختلف شعبوں میں خواتین کی گراں قدر خدمات کی بے شمار مثالیں پیش کرتا ہے۔