سرکاری ملازم پر تشدد کا کیس، عدالت نے فرحان غنی کو عمرہ ادائیگی کی اجازت دے دی

کراچی کے ٹاؤن چنیسر کے چیئرمین فرحان غنی کو عمرہ ادائیگی پر جانے کی اجازت دے دی۔

انسداد دہشت گردی کی عدالت میں سرکاری ملازم پر تشدد کے کیس کی سماعت ہوئی جس میں چاروں ملزمان پیش ہوئے۔

عدالت میں ملزمان کے وکیل نے بتایا کہ عدالتی حکم کی تعمیل کرتے ہوئے پیش ہوئے ہیں۔ اس موقع پر فرحانی غنی کے حوالے سے آگاہ کیا گیا کہ وہ عمرہ ادائیگی پر روانہ ہورہے ہیں۔

جج کے استفسار پر فرحان غنی نے بتایا کہ آج رات کو فیملی کے ہمراہ عمرہ ادائیگی کیلیے روانہ ہورہا ہوں اور 19 کو واپسی ہے جس پر عدالت نے اُن سے واپسی کی ٹکٹ کی تصدیق بھی کی۔

عدالت نے مقدمے کی مزید سماعت 22 ستمبر تک ملتوی کرتے ہوئے ٹاؤن چیئرمین کو پولیس رپورٹ پر ڈائریکشن دینے کی ہدایت کردی۔