"طاقت ور لوگ جتنے کیس بنالیں ذرائع نہیں بتاؤں گا" : اسد طور کا مزید تین روزہ جسمانی ریمانڈ منظور

اسلام آباد کی ایک سیشن عدالت نے اداروں اور سرکاری ملازمین پر الزامات لگانے سے متعلق کیس میں یوٹیوبر اسد طور کے ریمانڈ میں تین دن کی توسیع کر دی۔

اسد طور کو وفاقی تحقیقاتی ایجنسی (ایف آئی اے) نے چھوٹی گاڑی میں ہتھکڑیاں لگا کر عدالت میں پیش کیا۔جہاں وکیل نے صحافی کے 9 روزہ ریمانڈ کی سفارش کی۔

عدالت نے دلائل مکمل ہونے کے بعد فیصلہ محفوظ کرتے ہوئے شاہ نے طور کے ریمانڈ میں تین دن کی توسیع کی منظوری دی۔

اسد طور مبینہ طور پر پانچ روز سے بھوک ہڑتال پر ہیں اور انہوں نے عدالت میں پیشی کے موقع پر بھی صحافیوں سے غیر رسمی گفتگو میں اعلان کیا کہ وہ اپنے ذرائع یا موبائل حوالے نہیں کریں گے۔

اسد طور نے کہا کہ اس ملک کے طاقتور افراد جتنے مرضی چاہییں کیس بنالیں اسد طور صحافی ہے اور میں اپنے ذرائع یا موبائل کسی کو نہین دوں گا۔

عدالت میں پیشی کے وقت مطیع اللہ جان، حامد میر سمیت دیگر صحافی بھی کمرہ عدالت میں موجود تھے جنہوں نے ایف آئی اے کے موبائل حوالگی اور ذرائع بتانے کے مطالبے کی شدید مخالفت کرتے ہوئے عدالت سے کہا کہ اس سے صحافت کو کے مستقبل کو خطرہ ہوگا۔

واضح رہے کہ اسد طور کو اداروں اور سرکاری ملازمین پر الزامات لگانے کے الزام میں اسلام آباد میں ایف آئی اے کے دفتر سے گرفتار کیا گیا تھا۔ جس کے بعد انہیں عدالت نے پانچ روزہ جسمانی ریمانڈ پر ایف آئی اے کے حوالے کیا تھا جو آج ختم ہونے پر انہیں عدالت میں پیش کیا گیا تھا۔

آج بالکل بھی کوئی قانونی جواز نہیں تھا اسد طور کو مزید remand پر دینے کا لیکن اس ملک میں کوئی قانون نہیں ہے.

The world can see how journalists are being treated in Pakistan. Compelling disclosure of journalistic sources is ag/ all ethics & norms of journalism#ReleaseAsadToor https://t.co/sDxXRjt0y2

— Imaan Zainab Mazari-Hazir (@ImaanZHazir) March 3, 2024