وزیراعلی پر وفاقی نمائندے کا عدم اعتماد، وفاق اور فوج سے مدد مانگ لی

گورنر خیبرپختونخوا فیصل کریم کنڈی نے وزیر اعلیٰ علی امین گنڈا پور پر عدم اعتماد کا اظہار کردیا۔

پشاور میں تقریب سے خطاب کرتے ہوئے گورنر فیصل کریم کنڈی نے کہا کہ صوبے میں لوٹ بازار گرم ہے۔ نوکری اور تبادلے پیسوں پر ہورہے ہیں۔

انہوں نے کہا کہ ہمیں وزیراعلیٰ پر اعتماد نہیں کیونکہ وہ اپنے ضلع کو نہیں سنبھال پا رہے۔

فیصل کریم کنڈی نے بتایا کہ ایک روز قبل آرمی چیف سے صوبے میں امن و امان سے متعلق ملاقات ہوئی جس کے بعد نیشنل ایکشن پلان پر عمل درآمد کا فیصلہ کیا ہے۔

انہوں نے صوبے کے معاملات کی بہتری کیلیے وفاقی حکومت اور فوج سے کردار ادا کرنے کی اپیل کرتے ہوئے کہا کہ جو پاکستان کے آئین و قانون کو نہیں مانتا اُس پر ڈنڈا چلانے کی ضرورت ہے۔