آزاد امیدوار شوکاز نوٹس پر پی ٹی آئی قیادت کے گلے آگیا

پاکستان تحریک انصاف کے پشاور سے تعلق رکھنے والے امیدوار صاحبزادہ تیمور نے پارٹی قیادت کو شوکاز نوٹس کا جواب دیتے ہوئے الٹا قانونی کارروائی کی دھمکی دے دی۔

تفصیلات کے مطابق پی ٹی آئی کے پی کے 81 پشاور سے آزاد امیدوار صاحبزادہ تیمور کو پارٹی نظم و ضبط کی خلاف ورزی پر قیادت نے شوکاز نوٹس جاری کر کے جواب طلب کیا تھا۔

صاحبزادہ تیمور نے پی ٹی آٗئی قیادت کو شوکاز نوٹس لے جواب میں لکھا کہ ’عملی طور پر پی ٹی ائی کی تنظیم موجود نہیں، انٹرا پارٹی الیکشن کو سپریم کورٹ نے کالعدم قرار دیا ہے، شوکازنوٹس والیں لیں ورنہ آپ کے خلاف قانونی کاروائی کی جائے گی‘۔

انہوں نے کہا کہ یرعلی ارباب پی ٹی ائی کے صوبائی صدر نہیں اس لئے قانونی نوٹس کی کوئی حیثیت نہیں، پاکستان کی جمہوریت ہر انسان کو آزاد الیکشن لڑنے کا حق حاصل ہے۔ آزاد حیثیت سے عمران خان کی طرف سے الیکشن میں حصہ لے رہا ہوں۔

صاحبزادہ تیمور نے کہا کہ آپ کا شوکاز نوٹس حقائق کی روشنی میں غیرسنجیدہ اور بدنینتی پرمبنی ہے، اگر اس کو واپس نہ لیا گیا تو عدالت میں درخواست دائر کرکے قانونی کارروائی کروں گا اور پھر نتائج کی ذمہ داری قیادت ہوگی۔