خیبرپختونخوا حکومت کا انٹرنیٹ رفتار کا مسئلہ حل کرنے کیلیے ایلون مسک سے رابطے پر غور

خیبرپختونخوا حکومت نے انٹرنیٹ کی رفتار کا مسئلہ حل کرنے کیلیے اسٹار لنک کمپنی کے مالک ایلون مسک سے رابطے پر غور شروع کردیا ہے۔

تفصیلات کے مطابق خیبرپختونخوا حکومت کے معاون خصوصی شفقت ایاز نے بتایا کہ انٹرنیٹ کے مسئلے پر ایلون مسک سے رابطہ کرنے پر غور کررہے ہیں۔

انہوں نے کہا کہ اسٹار لنک کے ایلون مسک کے علاوہ دیگر شخصیات سے بھی انٹرنیٹ مسئلے پر تعاون کیلئے رابطہ کریں گے۔

معاون خصوصی نے کہا کہ انٹرنیٹ کی رفتار کم ہونے کی وجہ سے صوبے میں آئی ٹی پروفیشنلز کو بہت بری طرح سے نقصان کا سامنا کرنا پڑ رہا ہے، اس حوالے سے متعدد بار وفاق کو شکایت درج کرائی مگر انہیں انٹرنیٹ کی رفتار کے حوالے سے کوئی علم نہیں ہے۔