انسٹاگرام کا دوستوں پر نظر رکھنے کیلیے زبردست فیچر

سماجی رابطے کی معروف فوٹو اینڈ ویڈیو شیئرنگ ایپ انسٹاگرام نے صارفین کیلیے زبردست فیچر متعارف کرادیا جس کی مدد سے وہ اپنے دوستوں پر نظر رکھ سکیں گے۔

میٹا نے انسٹاگرام صارفین کیلیے ’فرینڈ میپ‘ نامی فیچر متعارف کرانے کی تصدیق کی جس کا دائرہ فی الوقت چند ممالک تک پھیلایا گیا ہے اور مستقبل میں یہ سب کو دستیاب ہوگا۔

اس فیچر کی مدد سے صارف اپنے دوست کی لائیو لوکیشن دیکھ سکے گا۔

اس کیلیے صارف اپنے دوست کو خود اجازت دے گا اور اُس کا اختیار ہوگا کہ وہ لوکیشن کو بند کردے۔ یہ بات واضح کی گئی ہے کہ صرف وہ آئی ڈیز لوکیشن دیکھ سکیں گی جنہیں صارف فالو کرتا ہے یا پھر اُسے فالو کیا جاتا ہے۔

لوکیشن کا ڈیٹا اینڈ ٹو اینڈ انکرپٹڈ اور اس میں ایک ’گھوسٹ موڈ‘ کا فیچر بھی ہوگا جس سے صارف کی آخری بار ایکٹِیو لوکیشن کو چھپا سکے گا۔