واٹس ایپ کا ویب ورژن استعمال کرنے والوں کیلیے زبردست اعلان

پیغام رسانی کیلیے استعمال ہونے والی موبائل ایپلیکیشن واٹس ایپ نے زبردست اعلان کردیا۔

اس اعلان کا تعلق تمام صارفین سے نہیں بلکہ اُن سے ہے جو واٹس ایپ کو ویب ورژن پر استعمال کرتے ہیں۔

اطلاعات کے مطابق واٹس ایپ کی جانب سے ویب ورژن صارفین کی چیٹ کو محفوظ بنانے کیلیے ایک فیچر پر کام شروع کردیا گیا ہے۔

اس فیچر کی آزمائش مخصوص صارفین کیلیے شروع کردی گئی ہے اور اسے استعمال کنندگان ایک اچھی سہولت یا فیچر قرار دے رہے ہیں۔

فیچر کے زیرِ تکمیل ہونے کی وجہ سے فی الحال یہ بات غیر یقینی ہے کہ یہ کس طرح استعمال کیا جائے گا لیکن ماہرین کی جانب سے قیاس کیا جارہا ہے کہ نجی چیٹس کو محفوظ بنانے کے لیے اس فیچر کے تحت کسی خفیہ کوڈ کو استعمال کیا جاسکتا ہے۔

کمپنی کی جانب سے فیچر کے متعارف کرائے جانے کے متعلق فی الحال کسی حتمی تاریخ کا اعلان نہیں کیا گیا ہے۔