عید کی خریداری پر بیوی ناراض، شوہر کی خودکشی

پنجاب کے علاقے شیخوپورہ میں عید کی شاپنگ کے لیے پیسے مانگنے پر جھگڑے کے بعد غربت سے دلبرداشتہ شوہر نے زہریلی گولیاں کھا کر موت کو گلے لگالیا۔

تفصیلات کے مطابق شیخوپورہ کے نواحی گاؤں دولت پور میں سرفراز نامی شخص کا بیوی سے شاپنگ کیلیے پیسے مانگنے پر جھگڑا ہوا۔ جس پر متوفی نے گندم میں رکھنے والی زہریلی گولیاں پھانک لیں اور پھر تھوڑی دیر میں وہ انتقال کردیا۔

پولیس کے مطابق روزگار اور مہنگائی کی وجہ سے سرفراز بہت پریشان تھا، بیوی نے شاپنگ کے لیے پیسے مانگے تو وہ قائل نہ کرسکا جس پر اہلیہ کے مشتعل ہونے پر وہ شدید رنجیدہ ہوا تھا۔

پولیس نے ضروری کارروائی کے بعد لاش ورثا کے حوالے کر دی  ہے۔