بیوی نے دوسری شادی کے شک پر بہنوں کے ساتھ ملکر شوہر کو جلا دیا

سیالکوٹ میں دوسری شادی کے شبہ میں ایک خاتون نے مبینہ طور پر اپنے شوہر کو آگ لگا دی جس سے وہ شدید زخمی ہو گیا۔

 پولیس کے مطابق یہ دلخراش واقعہ منگل کو سیالکوٹ کے علاقے راول گڑھا میں پیش آیا۔

 پولیس کے مطابق ملزمہ نے اپنی تین بہنوں اور ایک بہنوئی کے ساتھ مل کر جھگڑے کے بعد اپنے شوہر شکیل کو پٹرول چھڑک کر آگ لگائی۔

 پڑوسیوں نے شور سن کر اسے تحصیل ہیڈ کوارٹر سمبڑیال اسپتال منتقل کیا، جہاں ڈاکٹرز نے اس کے جسم کو 60 فیصد جھلسا ہوا قرار دے کر حالت تشویشناک بتائی ہے۔

 پولیس نے متاثرہ کی شکایت پر فرسٹ انفارمیشن رپورٹ (ایف آئی آر) درج کر کے ملزم کے ساتھیوں کو گرفتار کر لیا ہے۔

 تاہم مرکزی ملزمہ تاحال فرار ہے اور پولیس اس کی گرفتاری کے لیے چھاپے مار رہی ہے۔