دلخراش واقعہ، پچاس سالہ شخص کی 20 سالہ گونگی بہری لڑکی سے زیادتی

افسوسناک واقعہ میں لودھراں کی تحصیل کہروڑ پکا میں 50 سالہ شخص نے 20 سالہ گونگی بہری لڑکی کو جنسی زیادتی کا نشانہ بنا ڈالا۔

پولیس کے مطابق ملزم کی شناخت مخدوم حسن کے نام سے کی گئی، اس نے اپنی نوجوان کزن کے اکیلے ہونے کا فائدہ اٹھاتے ہوئے زیادتی کی۔

پولیس نے بتایا کہ یہ دلخراش واقعہ چھ روز قبل پیش آیا تھا۔

تاہم قانون نافذ کرنے والے اداروں نے فرسٹ انفارمیشن رپورٹ (ایف آئی آر) درج کرنے کے بعد ملزم کو گرفتار کر لیا ہے۔

ڈاکٹرز کے مطابق زیادتی کے حوالے سے حتمی رپورٹ ڈی این اے کے تجزیے کے بعد جاری کی جائے گی۔

دوسری جانب پولیس نے ملزم کا دو روزہ جسمانی ریمانڈ حاصل کر لیا ہے۔