گھریلو جھگڑے کے بعد شوہر کو کلہاڑی سے قتل کرنے والی بیوی چار بچوں سمیت تھانے پہنچ گئی

سندھ کے ضلع کوٹری کے علاقے سائٹ خدا کی بستی نمبر تین میں ایک گھریلو تنازعے کے دوران چار بچوں کی ماں نے اپنے شوہر پر کلہاڑی سے حملہ کر کے اسے شدید زخمی کیا۔  

پولیس کے مطابق، خاتون پشم چانڈیو اور اس کے شوہر دلبر چانڈیو کے درمیان جھگڑا ہوا، جس کے بعد خاتون نے غصے میں کلہاڑی اٹھا کر شوہر پر وار کردیے۔ واقعے کے بعد وہ کلہاڑی اور بچوں کے ساتھ سائٹ تھانے پہنچ گئی۔  

زخمی شوہر  دوران علاج دم توڑ گیا جس کے بعد پولیس نے مقدمہ درج کرکے تفتیش شروع کردی ہے۔

مقتول کے اہل خانہ نے ملزمہ پر الزامات عائد کرتے ہوئے سخت کارروائی کا مطالبہ کیا ہے۔