کراچی میں 19 سالہ نوجوان ڈکیتی مزاحمت پر قتل

شہر قائد کے علاقے موچکو کی بسمہ اللہ کالونی میں موٹرسائیکل سوار ملزمان نے لوٹ مار کے دوران مزاحمت پر فائرنگ کرکے 19سالہ نوجوان مزمل کو قتل کردیا۔ 

پولیس نے واقعے کو ڈکیتی مزاحمت کا شاخسانہ قرار دیا۔ ایس ایچ او نے بتایا کہ واقعہ مزاحمت پر پیش آیا ہے پولیس تفتیش کررہی ہے۔

واضح رہے کہ چودہ روز کے دوران شہر میں پانچ شہری ڈاکووں کی فائرنگ سے جاں بحق ہوچکے ہیں۔