کراچی میں بہادر خاتون نے تھپڑ دکھا کر ڈاکو کو الٹے پاؤں دوڑا دیا

فیڈرل بی ایریا میں یہ واقعہ پیش آیا

ویب ڈیسک

|

11 Jan 2025

کراچی کے علاقے فیڈرل بی ایریا میں بہادر خاتون نے لوٹ مار کے لیے آنے والے ڈاکو کو تھپڑ کے ڈر سے واپس بھاگنے پر مجبور کردیا۔

کراچی کے علاقے فیڈرل بی ایریا میں گھر کے باہر کھڑی خاتون سے لوٹ مار کی کوشش کی گئی جس کی ویڈیو بھی سامنے آئی ہے۔

موٹر سائیکل پر سوار مسلح ڈاکو نےگھر کے باہر کھڑی خاتون سےلوٹ مار کی کوشش کی لیکن خاتون نے بلا کسی جھجھک کے ڈاکو کو مارنے کے لیے ہاتھ اٹھایا تو ڈاکو وہاں سے فرار ہوگیا۔

پولیس کا کہنا ہےکہ واقعہ7جنوری کو پیش آیا اور ویڈیو کی مدد سے ملزم کی گرفتاری کی کوششیں جاری ہیں۔