کراچی میں گھر سے ماں، بیٹی، نواسی اور بہو کی تشدد زدہ گلہ کاٹی لاشیں برآمد

شہر قائد کے علاقے لیاری لی مارکیٹ کے فلیٹ سے خاتون، بیٹی، نواسی اور بہو کی گلہ کٹی لاشیں برآمد ہوئی ہیں۔

تفصیلات کے مطابق لی مارکیٹ کی بانٹوا گلی میں قائم زینب آرکیٹ کی ساتویں منزل پر واقع فلیٹ سے چار خواتین کی تشدد زدہ گلہ کٹی لاشیں برآمد ہوئی ہین۔

پولیس کے مطابق مرنے والوں میں 13 سالہ علینہ، 18 سالہ مدیحہ، 19 سالہ عائشہ اور 51 سالہ شہناز شامل ہیں۔ پولیس نے لاشوں کو ضابطے کی کارروائی کے لیے سول اسپتال منتقل کردیا گیا۔

ایس ایس پی سٹی عارف عزیز کا کہنا ہے کہ قتل کی واردات کے وقت گھر میں چاروں خواتین موجود تھیں ، چاروں لاشیں الگ الگ کمروں سے ملی ہیں ، قاتل آلہ قتل سمیت فرار ہوا ہے۔

اس ضمن میں علینہ مقتولہ کے نانا محمد فاروق نے بتایا کہ مرنے والی خواتین میں میری بیوی،  بیٹی ، نواسی اور ایک بہو شامل ہے، واردات کے وقت میں اور میرے دونوں بیٹے گھر پر نہیں تھے۔ 

انہوں نے بتایا کہ گھر پہنچنے پر دروازہ کھٹکھٹایا ، جب کوئی نہیں آیا تو بیٹے نے آکر موجود چابی سے دروازہ کھولا ، ہمیں کسی پر شک نہیں ، نہ ہی کسی سے دشمنی ہے۔ انہوں نے قاتلوں کی گرفتاری اور پولیس سے انصاف کا مطالبہ کیا ہے۔