کرکٹ میچ میں اوور نہ دینے پر گولیاں چل گئیں، 2 بھائی قتل

گجرات:  گجرات میں کرکٹ میچ میں اوور نہ دینے پر گولیاں چل گئیں،ایک ٹیم کا کپتان اپنے بھائی سمیت قتل کردیا گیا ،ان کے ماموں شدید زخمی ہوگئے۔

میڈیا رپورٹ کے مطابق گجرات میں کرکٹ میچ کیدوران اوور نہ دینے پر ملزم غلام غوث نے اندھا دھند فائرنگ کردی۔مقتولین کی شناخت فاخر اور طاہر کے نام سے ہوئی جبکہ زخمی اظہر کی حالت تشویشناک ہے، واقعہ نواحی علاقے میں پیش آیا۔

پولیس نے بتایا کہ ملزم غلام غوث نے اوور نہ دینے پر فائرنگ کی، ملزم کی گرفتاری کے لیے چھاپے مارے جا رہے ہیں۔