پارا چنار، افسوسناک واقعے میں اب تک42 جاں بحق

پارا چنار سے پشاور جانے والی مسافر بسوں پر فائرنگ کے نتیجے میں اموات کی تعداد 42 تک پہنچ گئی ہے۔

مقامی افراد اور صحافیوں کے مطابق پشاور جانے والی ایک خاص گروپ کی گاڑیوں کو نشانہ بنایا گیا، جس میں خواتین، بچے بھی جاں بحق ہوئے۔

مرنے والوں میں مقامی نیوز ادارے کا صحافی بھی ہے جو حملے میں زخمی ہوا جو بعد میں اسپتال میں انتقال کرگیا۔

مرنے والوں کا تعلق ایک ہی فرقے سے ہے جبکہ حالات قابو کرنے کیلیے ایف سی کو تعینات کردیا گیا ہے۔