پشاور میں خوفناک ٹریفک حادثے میں چار افراد جاں بحق

پشاور میں واقع رنگ روڈ پر ٹریفک حادثہ پیش آیا ہے جس میں 4 افراد جاں بحق ہوگئے۔

ریسکیو 1122 کے مطابق حادثہ پشتخرہ چوک رنگ روڈ کے قریب گاڑیاں ٹکرانے کے باعث پیش آیا۔ جس میں متعدد گاڑیاں تباہ ہوگئیں۔

واقعے کے بعد ریسکیو1122 کی 4 ایمبولینسز موقع پر پہنچیں اور امدادی کام کیے۔

عینی شاہدین کے مطابق واقعہ مخالف سمت سے آنے والی ویگو اور مہران کے درمیان تصادم کے بعد پیش آیا، جس میں دو افراد زخمی بھی ہوئے ہیں۔