رمضان کے پہلے روز ملتان میں قیامت صغریٰ، ایک گھر کے 7 افراد سمیت 9 جاں بحق

منگل کی صبح ملتان کے علاقے حرم گیٹ میں تین منزلہ رہائشی عمارت گرنے سے ایک ہی خاندان کے سات افراد سمیت کم از کم نو افراد جاں بحق ہو گئے۔

 ریسکیو اور پولیس حکام کے مطابق عمارت کے ملبے تلے 19 افراد دب گئے۔

 ان کا کہنا تھا کہ 9 لاشیں نکال لی گئی ہیں جبکہ 3 گھنٹے کے ریسکیو آپریشن کے بعد ملبے سے دو زندہ ریسکیو کئے گئے ہیں۔

 تفصیلات کے مطابق تین منزلہ عمارت حرم دروازے پر محلہ جاودیاں کے قریب واقع تھی۔

 ریسکیو اہلکار نے جاں بحق ہونے والوں کی شناخت 40 سالہ فہیم عباس، 15 سالہ دانش، 14 سالہ وسیم، 13 سالہ کومل اور بختاور اور 2 سالہ امیر علی کے نام سے کی ہے۔

 تاہم، پولیس نے کہا کہ عمارت کے گرنے کی وجہ کا تعین انکوائری کے بعد کیا جائے گا۔