سبق یاد نہ کرنے پر ٹیچر جلاد بن گیا، تشدد سے طالب علم جاں بحق

سرگودھا میں سبق یاد نہ کرنے والا طالب علم ٹیچر کے تشدد سے جاں بحق ہوگیا۔

تفصیلات کے مطابق پنجاب کے ضلع سرگودھا کے نواحی علاقے بدر رانجھا میں نویں جماعت کے طالب علم کو سبق یاد نہ کرنے پر اسکول ٹیچر سمیع اللہ نے بدترین تشدد کا نشانہ بنایا۔

تشدد کی وجہ سے طالب علم کی ٹانگ دو جگہ جبکہ کمر کی ہڈی ٹوٹ گئی تھی جس کے بعد اُس کی حالت تشویشناک ہوئی۔

اہل خانہ تشویشناک حالت میں طالب علم کو اسپتال منتقل کیا جہاں وہ دوران علاج زخموں کی تاب نہ لاتے ہوئے چل بسا۔

واقعے کے بعد اہل خانہ کی مدعیت میں تھانہ مڈھ رانجھا میں مقدمہ درج ہوا جس کے چودہ گھنٹے کے اندر پولیس نے ٹیچر کو گرفتار کر کے تفتیش شروع کردی۔

ٹیچر نے تفتیش میں بچے پر تشدد کا اعتراف کیا۔