سسرالیوں نے بہو کو چھت سے نیچے پھینک دیا

لاہور کے علاقے گلشن راوی میں مبینہ طور پر سسرالیوں نے بہو کو چھت سے نیچے پھینک دیا۔

پولیس کے مطابق مریم نامی خاتون کو مبینہ طور پر سسرالیوں نے تیسری منزل سے نیچے دھکا دیا جسے تشویشناک حالت میں اسپتال منتقل کردیا گیا ہے۔

پولیس نے بتایا کہ اسپتال میں خاتون کے بیان کی روشنی میں شوہر اور سسرالیوں کے خلاف مقدمہ درج کرلیا گیا ہے تاہم یہ بھی امکان ہے کہ خاتون نے خود ہی خودکشی کی کوشش کی ہو۔

ڈاکٹرز نے خاتون کی حالت کو انتہائی تشویشناک قرار دیتے ہوئے اگلے چند گھنٹے اہم قرار دے دیے ہیں۔

عینی شاہدین کے مطابق مریم جب نیچے آکر گری تو وہ کافی دیر تک چیختی رہی اور پھر بے ہوش ہوگئی تھی۔