دنیا کرکٹ کا کم عمر ترین نانا بن گیا، شاہد آفریدی کا نواسے کی پیدائش پر پیغام

قومی کرکٹ ٹیم کے فاسٹ بولر اور شاہد آفریدی کے داماد شاہین شاہ آفریدی کے گھر بیٹے کی ولادت ہوئی ہے۔

واضح رہے کہ شاہد آفریدی کی صاحبزادی انشا قومی کرکٹ ٹیم کے فاسٹ بولر کی اہلیہ ہیں جنہوں نے آج بیٹے کو جنم دیا ہے۔

شاہین آفریدی نے بیٹے کی پیدائش کی خوش خبری سناتے ہوئے بتایا کہ زچہ اور بچہ دونوں ٹھیک ہیں اور انہوں نے بیٹے کا نام علی یار رکھا ہے۔

واضح رہے کہ شاہین آفریدی کی شادی شاہد آفریدی کی بیٹی انشاء آفریدی سے گزشتہ برس ہوئی تھی۔

نواسے کی پیدائش پر قومی کرکٹ ٹیم کے سابق کپتان اور دنیائے کرکٹ کے معروف آل راؤنڈر شاہد آفریدی بھی خوشی سے نہال ہیں جس کا اظہار انہوں نے اپنے پیغام کے ذریعے بھی کیا۔

شاہد آفریدی نے سماجی رابطے کی سائٹ پر ایک پیغام مین لکھا کہ ’دنیاِ کرکٹ کے کم عمر ترین نانا بننے پر آپ تمام احباب کے محبتوں بھرے پیغامات موصول ہو رہے ہیں۔

انہوں نے لکھا کہ ’ہماری خوشیوں میں شامل ہونے پر میں اور میری فیملی آپ سب لوگوں کا دل سے شکریہ ادا کرتے ہیں‘۔