فیصلہ سازوں سے ہاتھ جوڑ کر اپیل ہے وہ ملک کو اس کیفیت سے نکالیں، آفریدی

قومی کرکٹ ٹیم کے سابق کپتان شاہد آفریدی نے کہا ہے کہ فیصلہ سازوں سے ہاتھ جوڑ کر اپیل ہے کہ وہ ملک کو ہیجانی کیفیت سے نکالیں۔

سماجی رابطے کی سائٹ ایکس پر اپنے ایک پیغام میں شاہد آفریدی نے کہا کہ ’عام آدمی ہر روز ایک نئی کہانی سے تنگ آگیا ہے کیونکہ اُس کا مسئلہ مہنگائی ار بے روزگاری ہے‘۔

انہوں نے کہا کہ فیصلہ سازوں سے ہاتھ جوڑ کر اپیل ہے کہ وہ آپ میں مل بیٹھ کر ملک کو ہیجانی کیفیت سے نکالیں کیونکہ پہلے ہی بہت تماشہ بن چکا ہے۔

شاہد آفریدی نے کہا کہ پاکستان اب مزید صدمے برادشت نہیں کرسکتا، خدارا سب اپنی آنے والی نسلوں اور ملک کیلیے ایک ہوجائیں۔