نیویارک سے لاہور آتے ہوئے محمد حفیظ کے قیمتی تحائف چوری ہوگئے

پاکستان کرکٹ بورڈ (پی سی بی) کے سابق ڈائریکٹر محمد حفیظ نے دعویٰ کیا ہے کہ نیویارک سے لاہور جاتے ہوئے ان کے ”قیمتی تحائف“ چوری ہو گئے۔

یہ افسوسناک خبر 43 سالہ کرکٹر نے مائیکروبلاگنگ سائٹ X پر اپنے آفیشل ہینڈل پر شیئر کی۔

انہوں نے اس حوالے سے تفصیلات بتاتے ہوئے کہا کہ میں نے 26 مارچ کو نیویارک سے لاہور کا سفر شروع کیا۔ لاہور پہنچنے پر جب میں نے سامان حاصل کیا تو میں نے دیکھا کہ میرے سوٹ کیس کو نقصان پہنچا ہے اور بیگ سے میرا قیمتی سامان اور تحائف چوری ہوچکے ہیں۔

سابق آل راؤنڈر کا کہنا تھا کہ انہوں نے لاہور انٹرنیشنل ایئرپورٹ پر نجی ایئرلائن کے کاؤنٹر پر واقعے کی شکایت کی۔مگر اس مجھے اس حوالے سے کوئی جواب نہیں دیا گیا۔

ایک اور پوسٹ میں، حفیظ نے ایئر لائن کے جواب کا جواب دیا، جسے بعد میں کیریئر نے حذف کر دیا۔

آپ کس متعلقہ ٹیم کی بات کر رہے ہیں؟ کوئی دفتر نہیں ہے اور @etihad ویب سائٹ پر دیا گیا سیل نمبر کام نہیں کر رہا ہے۔ اگر آپ کے پاس کوئی متعلقہ ٹیم سیل نمبر یا میل ایڈریس ہے تو پلیز شیئر کریں۔

تاہم سابق کرکٹ باڈی کے سربراہ کی جانب سے واقعے کی مزید تفصیلات فراہم نہیں کی گئیں۔