پاکستان ویمنز نے تھائی لینڈکو شکست دیکر ورلڈکپ کیلئے کوالیفائی کرلیا

پاکستان ویمن نے شاندار کارکردگی کا سلسلہ برقرار رکھتے ہوئے آئی سی سی ویمنز کرکٹ ورلڈکپ کوالیفائر میں تھائی لینڈ کو ہرا دیا اور  ورلڈکپ 2025 کے لیے کوالیفائی کرلیا۔

پاکستان ویمن نے تھائی لینڈ کے خلاف لاہور میں کھیلے گئے آئی سی سی ویمنز کرکٹ ورلڈکپ کوالیفائر میچ میں ٹاس جیت کربیٹنگ کا فیصلہ کیا اور  پہلے کھیلتے ہوئے مقررہ 50 اوورز میں 5 وکٹوں کے نقصان پر 205 رنز بنائے۔

پاکستان کی جانب سے سدرہ امین 80 اور کپتان فاطمہ ثنا 62 رنز بنا کر نمایاں رہیں۔206 رنز کے ہدف کے جواب میں تھائی لینڈ کی ٹیم 35 ویں اوور میں 118 رنز بنا کر آٹ ہوگئی۔

پاکستانی بولرز فاطمہ ثنا، نشرہ سندھو اور رامین شمیم نے 3،3 کھلاڑیوں کو آؤٹ کیا۔آل راؤنڈکارکردگی پرکپتان فاطمہ ثنا کو میچ کی بہترین کھلاڑی کا اعزاز دیا گیا۔

خیال رہے کہ پاکستان ویمن ٹیم نیتھائی لینڈ ویمن کو ہرا کر مسلسل چوتھی کامیابی حاصل کی ۔