پاکستانی خاتون نے اسکواش جونیئر چیمپئن شپ جیت لی

پاکستان کی ابھرتی ہوئی اسکواش اسٹار مہوش علی نے شاندار کارکردگی کا مظاہرہ کرتے ہوئے سویڈن میں ہونے والی نارڈک جونیئر اوپن اسکواش چیمپئن شپ کا ٹائٹل اپنے نام کرلیا۔

 سنسنی خیز فائنل میں، مہوش نے فرانس کی سیکنڈ سیڈڈ Ciara Boulanger کو ہرا کر 3-0 کی یقینی فتح حاصل کی۔

 فیصلہ کن میچ کا اسکور مہوش کے حق میں 11-5، 11-7 اور 12-10 رہا۔

 خاتون کھلاڑی کا فاتحانہ سفر گروپ ڈی کے میچوں میں شروع ہوا، جہاں اس نے پہلے ناروے کی ویلڈ اوڈ کو شکست دی، اس کے بعد ڈنمارک کی کیملا تھامسن کے خلاف 3-0 سے کامیابی حاصل کی۔

 کوارٹر فائنل میں، اس نے اپنی بہن ماہنور علی کو ایک قریبی مقابلے میں شکست دی۔

 اس کے بعد مہوش نے سیمی فائنل میں بیلجیئم کی ایلس ایلارڈ کو شکست دے کر فائنل میں جانے کی راہ ہموار کی۔

 متاثر کن فتح حالیہ ہفتوں میں مہوش کی دوسری بڑی کامیابی ہے، جس نے گزشتہ ماہ ڈینش جونیئر اسکواش چیمپئن شپ میں کانسی کا تمغہ حاصل کیا تھا۔

 مہوش علی اور انکی بہن نے نورڈک اوپن میں اپنی اسکواش صلاحیت کا مظاہرہ کیا، سحرش نے چوتھے اور ماہنور نے پانچویں پوزیشن حاصل کی۔