سچن ٹنڈولکر کی ڈیپ فیک ویڈیو سامنے آگئی، کرکٹر بھی حیران

بین الاقوامی شہرت یافتہ بھارتی لیجنڈری کرکٹر سچن ٹنڈولکر کی ڈیپ فیک ویڈیو سوشل میڈیا پر وائرل ہوئی جس پر سابق کرکٹر کو خود ہی آکر وضاحت کرنا پڑی۔

آرٹفیشل انٹیلی جنس کی مدد سے بنائی گئی سچن ٹنڈولکر کی ڈیپ فیک ویڈیو دراصل ایک موبائل ایپ کی تشہیر ہے جس پر لوگ جوا کھیلتے ہیں۔ ویڈیو دیکھ کر صارفین خود بھی حیران تھے کہ سچن کو ایسا کرنے کی نوبت کیوں پیش آئی۔

اس ویڈیو میں سچن ٹنڈولکر کی ہو بہ ہو آوز اور انداز کو دیکھ کر کہیں محسوس نہیں ہورہا تھا کہ ویڈیو اے آئی کی مدد سے بنائی گئی ہے۔ تاہم یہ راز اُس وقت عیاں ہوا جب سچن نے ویڈیو اپنے ایکس اکاؤنٹ پر شیئر کی اور بتایا کہ یہ جھوٹ پر مبنی ہے۔

سچن ٹنڈولکر نے ایکس پر پوسٹ شیئر کرکے لوگوں کو اس جعلی ویڈیو سے خبردار کیا اور درخواست کی کہ وہ اس ویڈیو اور ایپ کو زیادہ سے زیادہ رپورٹ کریں۔ انہوں نے لکھا کہ یہ اور اس طرح کی کئی ویڈیوز جعلی ہیں، ٹیکنالوجی کا بے تحاشہ غلط استعمال پریشان کن ہے۔ سب سے درخواست ہے کہ وہ اس طرح کی ویڈیوز، اشتہارات اور ایپس کو بڑی تعداد میں رپورٹ کریں۔

سچن نے لکھا کہ ’’سوشل میڈیا پلیٹ فارمز کو شکایات پر چوکنا اور جوابدہ رہنے کی ضرورت ہے۔ غلط معلومات اور جعلی ویڈیوز کے پھیلاؤ کو روکنے کے لیے فوری کارروائی بہت ضروری ہے‘‘۔

These videos are fake. It is disturbing to see rampant misuse of technology. Request everyone to report videos, ads & apps like these in large numbers.

Social Media platforms need to be alert and responsive to complaints. Swift action from their end is crucial to stopping the… pic.twitter.com/4MwXthxSOM

— Sachin Tendulkar (@sachin_rt) January 15, 2024