سہ ملکی سیریز: نیوزی لینڈ جنوبی افریقا کو شکست دیکر فائنل میں پہنچ گیا

نیوزی لینڈ نے جنوبی افریقا کو سہ ملکی سیریز کے دوسرے میچ میں 6 وکٹوں سے شکست دے کر فائنل کے لیے کوالیفائی کرلیا۔

نیوزی لینڈ نے لاہور میں کھیلے گئے میچ میں جنوبی افریقا کے خلاف ٹاس جیت کر پہلے بولنگ کا فیصلہ کیا، مقررہ 50 اوورز میں پروٹیز نے کیویز کے خلاف 6 وکٹوں کے نقصان پر 304 رنز اسکور کیے۔

 نیوزی لینڈ نے 305 رنز کا ہدف 4 وکٹوں کے نقصان پر 49 ویں اوور میں حاصل کرلیا۔

جنوبی افریقا کی جانب سے میچ میں میتھیو برٹزکے نے ڈیبیو پر 150 رنز بناکر ون ڈے کرکٹ کا نیا ریکارڈ قائم کردیا، اس کے علاوہ ویان ملڈر 64 اور جیسن اسمتھ نے 41 رنز بنائے۔

کیوی بولرز میٹ ہینری اور ول او رورکی نے دو، دو کھلاڑیوں کو پویلین کی راہ دکھائی۔ نیوزی لینڈ نے 305 رنز کا ہدف 4 وکٹوں کے نقصان پر 49 ویں اوور میں حاصل کرلیا۔

کین ولیمسن نے نیوزی لینڈ کی جانب سے 113 گیندوں پر 133 رنز کی ناقابل شکست اننگز کھیلی، ان کے علاوہ کانوے 97 رنز بنا کر آٹ ہوئے جب کہ گلین فلپس نے28 رنز بنائے۔

جنوبی افریقا کی جانب سے سینوران موتھوسیمی نے 2 وکٹیں لیں جب کہ  ایتھان بوش اور جونیئرڈالا نے ایک ایک وکٹ لی۔