بھارتی وزیر خارجہ کی پاکستان آمد کی تصدیق

بھارت نے پاکستان کی میزبانی میں اسلام آباد میں ہونے والی شنگھائی تعاون تنظیم کے اجلاس میں شرکت کیلیے اپنے وزیر خارجہ کو بھیجنے کی تصدیق کردی۔

بھارتی وزارت خارجہ نے بتایا کہ وزیر خارجہ جے شنکر شنگھائی تعاون تنظیم کے اجلاس میں شرکت کیلیے اسلام آباد کا دورہ کریں گے۔ بھارتی دفتر خارجہ کی طرف سے بتایا گیا ہے کہ وزیر خارجہ جے شنکر کا شنگھائی تعاون تنظیم میں شرکت کے لیے دورہ پاکستان شیڈول کیا گیا ہے۔

واضح رہے کہ شنگھائی تعاون تنظیم کا اجلاس 15 سے 16 اکتوبر تک پاکستان میں شیڈول ہے۔ جس میں چینی وزیر اعظم سمیت دیگر عالمی سربراہان بھی شرکت کریں گے۔