بھارتی فضائیہ کا طیارہ گر کر تباہ، دو پائلٹس ہلاک

بھارتی فضائیہ کا طیارہ تربیتی مشق کی پرواز بھرنے کے بعد زمین پر گر کر تباہ ہوگیا۔

بھارتی میڈیا اور ایئرفورس حکام کے مطابق ریاست تلنگانہ کے شہر حیدرآباد میں قائم انڈین ایئرفورس اکیڈمی سے معمول کی تربیتی پرواز کے لیے اُڑان بھرنے والے طیارے کا کچھ ہی دیر میں کنٹرول ٹاؤر سے رابطہ منقطع ہوگیا تھا۔

 طیارے کا رابطہ منقطع ہونے کے بعد ایمرجنسی نافذ کر کے سرچ آپریشن کیا گیا، جس کے دوران میدانی علاقے سے ملبہ ملا جو جل کر مکمل خاکستر ہوگیا تھا۔

امدادی کارکنوں کے دوران طیارے کے ملبے سے دونوں پائلٹس کی لاشیں نکال کر ملٹری اسپتال منتقل کی۔ ہلاک ہونے والوں میں ایک انسٹرکٹر اور دوسرا آن ٹرینی پائلٹ تھا۔ بھارتی فضائیہ کے ترجمان کا کہنا ہے کہ حادثے کی وجوہات کے تعین کے لیے تحقیقاتی کمیٹی تشکیل دیدی گئی، جو حادثے کی وجوہات کا تعین کرے گی۔