جنوبی غزہ اسرائیل کیلیے قبرستان بن گیا، متعدد فوجی ہلاک

فلسطینی مزاحمت کار تنظیم حماس کے عسکری ونگ القسام بریگیڈ نے جنوبی غزہ میں متعدد اسرائیلی فوجیوں کو ہلاک اور زخمی کرنے کا دعویٰ کیا ہے۔

عرب میڈیا کے مطابق حماس کے مسلح ونگ کے ترجمان کی جانب سے جاری بیان میں کہا گیا ہے کہ ہمارے جنگجوؤں نے جنوبی غزہ کے شہر میں ایک گھر میں داخل ہونے کی کوشش کرنے والے اسرائیلی فوجیوں پر حملے میں ایک اینٹی پرسنل ڈیوائس کا دھماکہ کیا۔

اس دھماکے کے نتیجے میں متعدد اسرائیلی فوجی اور کمانڈر مارے گئے ہیں۔اسکے علاؤہ مشرقی شہر الجنینہ میں بھی متعدد اسرائیلی فوجی ہلاک و زخمی ہوئے ہیں۔ جہاں دو اسرائیلی ٹینکوں پر راکٹ داغے گئے ہیں۔