لاس اینجلس آتشزدگی، 150 ارب ڈالر کا نقصان، چار روز میں بھی آگ نہ بجھ سکی

امریکی ریاست کیلی فورنیا کے علاقے لاس اینجلس کے جنگلات میں چار روز سے لگی آگ نے ہزاروں گھر اور اراضی کو راکھ کردیا جبکہ اب تک 11 افراد ہلاک ہوئے ہیں۔

لاس اینجلس کے جنگلات میں لگنے والی آگ کے بعد ایمرجنسی نافذ کردی گئی ہے جبکہ اب تک 150 ارب ڈالر نقصان کا تخمینہ لگایا گیا ہے۔

اب تک 35 ہزار ایکڑ اراضی جبکہ 35 ہزار عمارتیں جل کر راکھ ہوئیں اور 4 ہزار سے زائد شہریوں کو ریسکیو کر کے محفوظ مقامات پر منتقل کردیا گیا ہے۔

 الٹاڈینا کے علاقے میں ایٹن کی آگ مکمل طور پر بے قابو رہی، جس میں تقریباً 14,000 ایکڑ رقبہ جھلس گیا۔

کالاباساس اور امیر پوشیدہ ہلز انکلیو کے قریب پھٹنے والی تیسری آگ جس میں کم کارڈیشین جیسی مشہور شخصیات کا گھر ہے پر پانی کی بڑی مقدار پھینکی گئی۔

آگ میں شوبز سے تعلق رکھنے والے متعدد شخصیات کے مہنگے اور پرتعیش گھر جل کر راکھ کا ڈھیر بن گئے۔

آتشزدگی سے متاثرہ علاقوں میں95 ہزار صارف بجلی سے محروم جبکہ ایک لاکھ80ہزار افراد کو فوری انخلا کی ہدایت جاری کی گئی ہے۔

آگ کے سبب انخلا کرنے والوں میں بالی وڈ اداکارہ و رقاصہ نورا فتیحی بھی شامل ہیں۔