مقبوضہ کشمیر، ایک اور بھارتی فوجی اہلکار کی خودکشی

مقبوضہ کشمیر میں تعینات ایک اور بھارتی پولیس کے اہلکار نے سرکاری رائفل سے خود کو گولی مار کراپنی زندگی کا خاتمہ کرلیا۔

کشمیر میڈیا سروس کے مطابق سری نگر میں بھارتی فوج کے بیس کیمپ میں فائرنگ کے باعث ایمرجنسی نافذ ہوئی اور جب اہلکاروں نے تلاشی لی تو معلوم ہوا کہ ایک اہلکار نے اپنے کمرے میں سرکاری رائفل سے چار پانچ گولیاں مار کر اپنی زندگی کا خاتمہ کرلیا۔

بھارتی فوج کی جانب سے اہلکار کی شناخت ظاہر نہیں کی گئی تاہم بتایا گیا ہے کہ واقعے کی تحقیقات کیلیے کمیٹی تشکیل دے دی گئی ہے۔

کشمیر میڈیا سروس کے مطابق بھارت میں تعینات فوجی اہلکار ذہنی دباؤ اور مظالم کی وجہ سے تنگ آکر اپنی زندگیوں کا خاتمہ کرتے ہیں اور یہ کوئی نیا واقعہ نہیں بلکہ اس سے قبل بھی افسران و اہلکار اپنی زندگی کا خاتمہ کرچکے ہیں۔