نیتن یاہو ہٹلر ہے، اردوان کا مسلم ممالک کے اتحاد پر زور

ترکیہ کے صدر رجب طیب اردوان نے اسرائیلی وزیر اعظم نیتن یاہو کو ہٹلر قرار دیا ہے۔

استنبول میں جاری او آئی سی اجلاس میں خطاب کرتے ہوئے اردوان نے کہا کہ نیتن یاہو ہٹلر ہے جو پورےخطے کو تباہی کی طرف دھکیلنا چاہتا ہے۔

انہوں نے مسلم ممالک سے اپیل کی کہ وہ نیتن یاہو کے مظالم کے خلاف متحد ہوں، مسلمانوں کا اتحاد وقت کی ضرورت ہے اور یہ وقت ہے کہ اپنے اختلافات کو ختم کرکے ایک ہوجائیں۔

ترک صدر طیب اردوان نے کہا کہ اسرائیل غزہ میں فلسطینیوں پرحملے کررہا ہے اور مسلسل خطے کو عدم استحکام کا شکارکررہا ہے۔