نیویارک سٹیٹ کے نامزد میئر ظہران ممدانی کا دھمکیوں پر ٹرمپ کو کرارا جواب

نیویارک: اسمبلی رکن اور نیویارک سٹی کے میئر کے امیدوار، زوہران ممدانی نے ٹرمپ انتظامیہ کی جانب سے گرفتاری، ملک بدری، اور شہریت کی منسوخی کی دھمکیوں کے باوجود اپنی مہم جاری رکھنے کا عزم ظاہر کیا ہے۔

انہوں نے کہا کہ ٹرمپ یہ دھمکیاں ان کے آئی سی ای پر تنقید اور "نقاب پوش محافظوں کو روکنے" کے عہد کے ساتھ ساتھ دہشت گردی کی خفیہ حمایت کے الزامات سے جڑی ہیں۔

ممدانی نے ٹرمپ کی دھمکیوں کا جواب دیتے ہوئے انسٹاگرام پر کہا کہ ایسے اقدامات جمہوریت پر حملہ ہیں اور نیویارک کے شہریوں کو، جو آواز اٹھاتے ہیں انہیں ڈرانے کی کوشش ہیں۔

انہوں نے کہا کہ ڈیموکریٹک پرائمری جیتنے کے بعد سے، انہیں نسل پرستانہ اور اسلامو فوبک حملوں کا سامنا رہا ہے۔

خود کو ایک جمہوری سوشلسٹ قرار دینے والے ممدانی نے اپنی ترقی پسندانہ پالیسیوں کی وجہ سے شہرت حاصل کی ہے، جن میں مفت سٹی بسیں اور بچوں کی دیکھ بھال، سستی رہائش، اور کارپوریٹ اور اعلیٰ آمدنی والے ٹیکسوں سے چلنے والے شہر کی ملکیت والے گروسری سٹورز شامل ہیں۔

 وہ اسرائیلی پالیسیوں پر کھل کر تنقید اور فلسطینیوں کی حمایت کے لیے بھی جانے جاتے ہیں۔ انہوں نے یہاں تک کہا ہے کہ اگر اسرائیلی وزیر اعظم بینجمن نیتن یاہو نیویارک سٹی کا دورہ کرتے ہیں تو وہ مبینہ جنگی جرائم کی وجہ سے انہیں گرفتار کر لیں گے۔