ترکیہ کے شہر انقرہ میں خودکش حملہ، شہادتیں

ترکیہ کے شہر انقرہ میں دہشت گردی کا واقعہ پیش آیا ہے جس میں اموات کی تصدیق بھی کی گئی ہے۔

خبرایجنسی کے مطابق ترکیہ میں دارالحکومت انقرہ سے چالیس کلومیٹر مسافر پر قائم ترکش ایروسپیس انڈسٹریزکے باہر مبینہ طور پر خودکش بم دھماکا اور فائرنگ کا واقعہ پیش آیا ہے۔

ترکیہ کے وزیر داخلہ نے دہشت گردی کے واقعے کی تصدیق کرتے ہوئے کہا ہے کہ بدقسمتی سے دہشت گرد حملے میں کچھ شہادتیں بھی ہوئیں ہیں۔

مقامی میڈیا کے مطابق دھماکا خودکش ہوسکتا ہے جس کے بعد فائرنگ کی آوازیں بھی سنی گئیں جس کے باعث شہری خوف کا شکار ہوئے اور بھگڈر مچ گئی۔ شہری اپنی جانیں بچانے کیلیے چھپتے رہے۔

فوری طور پر کسی نے حملے کی ذمہ داری قبول نہیں کی ہے۔