ٹرمپ صدر بننے سے پہلے مجرم قرار، عدالتی فیصلہ جاری

امریکی عدالت نے فحش اداکارہ کو پیسے دینے کے مقدمے میں ٹرمپ کو مجرم قرار دے دیا تاہم صدر کیوجہ سے انہیں سزا نہیں سنائی گئی۔

امریکی میڈیا کا کہنا ہے کہ ٹرمپ صدر ہونے کی وجہ سے جعلسازی اور فنڈز کی ہیر پھیر کے مقدمے میں مجرم ہونے کے باوجود جیل جانے سے بچ گئے ہیں۔

واضح رہے کہ ٹرمپ کو عہدہ سنبھالنے سے صرف 10 روز پہلے عدالت کی جانب سے یہ ریلیف دیا گیا اور فیصلہ آتے ہی اُن کے اوپر لٹکنے والی قید کی تلوار بھی ہٹ گئی ہے۔

جمعے کو نیویارک کی فوجداری عدالت میں ٹرمپ کو سزا سنائے جانے کےلیے سماعت ہوئی جس میں جج نے کہا کہ ٹرمپ کو جیل میں قید نہیں کیا جائے گا اور نہ ان پر کوئی جرمانہ ہوگا۔

امریکی میڈیا کے مطابق ڈونلڈ ٹرمپ وہ پہلے شخص ہوں گے جو مجرم ہوتے ہوئے امریکی صدر کا عہدہ سنبھالیں گے۔