ایران کا جاسوسی کرنے والوں کو موت کی سزا دینے کے اعلان

تہران: ایران نے جاسوسی اور دشمن ممالک سے تعاون کے الزامات پر سخت سزاؤں سے متعلق انتباہ جاری کیا ہے، جس کے تحت ایسے افراد کو سزائے موت اور جائیداد ضبطی کا سامنا کرنا پڑ سکتا ہے۔

ایرانی عدلیہ کے ترجمان کے مطابق حالیہ ترمیم شدہ قانون کے تحت اگر کسی شخص پر مخالف ریاستوں کے لیے معلومات فراہم کرنے یا مدد کرنے کا الزام ثابت ہو جائے تو اس کے خلاف انتہائی سخت کارروائی کی جا سکتی ہے۔

انہوں نے مزید کہا کہ سوشل میڈیا پر ایسی تصاویر یا ویڈیوز شیئر کرنا بھی جرم کے زمرے میں آ سکتا ہے جو دشمن کو کسی مقام کو نشانہ بنانے میں مدد فراہم کریں۔

یہ بیان ایسے وقت سامنے آیا ہے جب ایران کو امریکا اور اسرائیل کے ساتھ کشیدگی کا سامنا ہے، اور حکام کے مطابق سیکیورٹی خدشات کے پیش نظر قوانین کو مزید سخت کیا جا رہا ہے۔